Хаттама
«Ғани Мұратбаев атындағы орта мектебі, мектепке дейінгі шағын орталығымен» коммуналдық мемлекеттік мекемесінің қамқоршылық кеңес отырысының
№1 ХАТТАМАСЫ
02 қыркүйек 2017 жыл Б.Сырттанов ауылы
Өткен орны: Ғ.Мұратбаев мектебі
Өткізілген уақыты: 10.00
Төрағалық еткен: Қамқоршылық кеңестің төрағасы С.Т.Ермұхамбетова
Хатшы: Директордың тәрбие жұмысы жөніндегі орынбасары Ж.Т.Сарсенова
Шақырылғандар: «Ғани Мұратбаев атындағы орта мектебі, мектепке дейінгі шағын орталығымен» коммуналдық мемлекеттік мекемесінің мектеп әкімшілігі – 7, қамқоршылық кеңестің мүшелері – 6, ата-аналар – 87, қоғамдық ұйымдар – 1,
Қатысқандар: 101
Күн тәртібінде:
1. Қазақстан Республикасының жалпы орта білім беру ұйымдарында оқу процесін ұйымдастырудың ерекшеліктерімен таныстыру;
Мектеп директоры – Кусмолдина М.Н
2. Жаңа 2017-2018 оқу жылына қамқоршылық кеңес жұмысының жоспарын бекіту
Қамқоршылық кеңес төрағасы – Ермұхамбетова С.Т
Тыңдалды: Мектеп директоры М.Н.Кусмолдина.
2017-2018 оқу жылында Қазақстан Республикасының Білім және ғылым министірлігінің хатымен көпшілікті таныстырып, 1,2,5,7 сыныптардың жаңартылған бағдарламаға сәйкес оқитыны, жалпы кезең-кезеңімен жаңартылған білім мазмұнына көшу туралы айтты. Сонымен қатар, бес күндік оқуға көшкен жағдайда мектеп оқушылары 1 кезеңде оқитыны және сабақ кестесінің жобасымен таныстырды. Қамқоршылық кеңес мүшелері бұл мәселені жан-жақты талқылай келе, 5 күндік оқуға көшуді қолдайтындарын айтты.
Сонымен қатар «Білім беру обьектілеріне қойылатын санитарлық-эпидемиологиялық талаптар» санитарлық қағидаларына өзгерістер енгізілгені туралы, жалпы білім беретін мектептерде оқу жүктемесінің жоғарғы нормасы аталған санитарлық қағиданың 9-қосымшасында көрсетілген нормадан аспауы керек екені оқу жүктемесі ұлғайған жағдайда сабақ кестесі қамқоршылық кеңесі және ата-аналар комитетімен келісуі тиіс екендігін айтып өтті.
2017-2018 оқу жылынан бастап сабақтың ұзақтығы 40 минутты құрайды. Бұл дегеніміз барлық сыныптарға бескүндік оқу аптасына көшу рұқсат етілген. Бескүндік оқу аптасы туралы шешімді мектеп әкімшілігі қамқоршылық кеңесі және ата-аналар комитетімен келісе отырып, қабылдайтындығы туралы айтылып түсіндірме жұмысы жүргізілді.
Сөз алды: қамқоршылық кеңес төрағасы Ермұхамбетова С.Т
Қамқоршылық кеңесі жұмысының жоспары бес бөлімнен құралған және мектептің материалдық-техникалық базасына байланысты анықталған мәселелерге тоқталды. Анықталған ұсыныстарға сай демеушілікпен жиналған қаржыға тиісінше стендтер және әлеуметтік жағдайына қарай көмек қажет ететін балаларға материалдық көмек беру жоспарланды.
Сөз алды: 9-сынып ата-анасы Тлеукенова А.А
Жаңартылған оқу бағдарламасына сай 2017-2018 оқу жылынан бастап барлық сыныптар бескүндік оқу аптасына көшуді қолдайтындығын білдірді.
Сөз алды: 5-сынып ата-анасы Қажиева Ж
Сіздермен бірге қамқоршылық кеңестің белсенділігін көтерсек, қоғам, ата-аналар тарапынан қойылатын талаптар жергілікті деңгейде шешімін табады деп сенім білдіргім келеді.
Шешім:
1.2017-2018 оқу жылынан бастап бір кезеңде, барлық сыныптар бескүндік оқу аптасына көшірілсін;
2.Қамқоршылық кеңестің жұмыс жоспары бекітілсін;
Кеңес төрағасы: С.Т.Ермұхамбетова
Хатшы:Ж.Т.Сарсенова